من هو حمودة باشا الحسيني ؟

حموده باشا بن علي أو حموده باي، و هو خامس بايات تونس، حكم من 26 ماي 1782 حتى 15 سبتمبر 1814 .

حمودة باشا الحسيني

تعتبر فترة حكم حموده باشا، من أحسن فترات الحكم في المملكة التونسية، إزدهرت فيها البلاد إقتصاديا و إستقرت أمنيا، رغم بعض الظروف الطبيعية المتقلّبة (طاعون 1784-1785) و (مجاعة 1804-1805)، فهو تعرف بالذكاء و الحكمة في التصرّف و البراعة الديبلوماسية. 

إزدهرت في عهد حموده باشا نشاط القرصنة و التجارة البحرية، و الصناعة التونسية المحلية الي كانت تتصدّر لأوروبا و باقي الحوض المتوسطي، كيما عرفت البلاد إستقرار داخلي بفضل إعتدال و حكمة حمودة باشا و سياسة التحالف مع الأعيان المحليين و شيوخ العروش، كيما تمتّن الحكم المركزي داخل البلاد، بالإضافة لتوطيد العلاقات الدبلوماسية و الإقتصادية مع الممالك الأوروبية و الولايات المتحدة الأمريكية . 

و كان حمودة باشا حريص على الإطلاع على آخر ما وصلتو البلدان الأوروبية من تطور علمي و تكنولوجي، و يذكر أنو كان أول من أدخل التطعيم لتونس، و بذلك تكون تونس تقريبا من أوائل الدول في العام الي أجرات التطعيم ضد الأوبئة، كيما يذكر له إجباره لجنود من البحرية الفرنسيس على إجراء تجربة للمنطاد في تونس باش يتفرجو عليه التوانسه و يشوفوا التطور الي وصلوه الفرنسيس، و بذلك كانت تونس أول دولة في العالم بعد فرنسا يطير فيها المنطاد .

أعلن حمودة باشا الحسيني الحرب على البندقية عام 1784 بسبب إستيلاء سلطات البندقية في مالطة و الأهالي على مركب تجاري تونسي و حرقوا حمولة سفينتهم ( بحجة أن تونس كان فيها طاعون )، . طالب حمودة باشا إثر الحادثة حكومة البندقية بتعوض التجار التونسيين، إلاّ أن التسويف و المُماطلة من جانب البنادقة أدت إلى تعكير العلاقات بين البلدين، انتهت الحرب بإنتصار تونس عام 1792 و دفعت البندقية تعوضيات كبيرة و هدايا ثمينة جداً للباي . و في عام 1793 أعلن حمودة باشا الحرب على طرابلس ، بعد هجوم الوالي العثماني علي برغل على جزيرة جربة و إحتلالها، انتهت الحرب في 1794 بهزيمة و هروب الوالي العثماني لمصر و تنصيب حاكم موالي للمملكة التونسية على طرابلس هو أحمد بيك القرمنلي كما انتصر على الجزائر عام 1807 .

عرفت تونس في عهد حمودة باشا إزدهار في مختلف المجالات و إستقرار سياسي و أمني و إقتصادي، جعل من  تونس دولة قوية متفوقة على جميع جيرانها .